Çĕнĕ информации технологийĕсем пысăк хăвăртлăхпа пурнăçра вырăн тупнă май, Пичет ĕçĕнче тимлекенсене те çĕнĕлле ĕçлеме хистеççĕ. Ресубликăра, акă кĕске вăхăтра «Чăваш енри массăллă информации хатĕрĕсем» портал йĕркелерĕç, кунта та çĕнĕлĕхсĕр мар. Халĕ интернетпа усă куракансем унта чăвашла хыпарсене те çăмăллăнах вулама пултараççĕ.

Иртнĕ эрнере вара Чăваш наци музеçĕнче асăннă портала «тултарассипе» ятарлă семинар-практикум иртрĕ. Ăна республикăри культура министерствин тата «Интернет-сервис» компанин специалисчĕсем йĕркелереç, публикацисене вырнаçтарассипе кирлĕ сĕнÿ-канашсем пачĕç.