Конкурссене хутшăнăр
"ХЫПАР" хаçатăн пĕрремĕш номерĕ тухнăранпа 100 çул çитнине халалланă мероприятисене хатĕрленсе ирттерес енĕпе ĕçлекен йĕркелÿ комитечĕ проектсен конкурсĕсене ирттересси çинчен пĕлтерет:
1. Воробьев композиторсен урамĕнчи 14-мĕш çурт çине вырнаçтармалли асăну хăмин (ХIХ-ХХ ĕмĕрсенче унта тĕн училищин пĕр пайĕ вырнаçнă, çав çуртра 1888-1893 çулсенче "Хыпар" хаçата никĕсленĕ Н.В.Никольский вĕреннĕ);
2. Н.Никольский проспектĕнчи "Берендей вăрманĕ" тата "Тĕп пасар" чарăнусем патĕнче Н.Никольскин сăнĕллĕ тата ун çинчен каласа паракан текстлă панносен.
Проектсене 2005 çулхи чÿкĕн 15-мĕшĕччен çак адрессемпе йышăнаççĕ:
Шупашкар хули, Урицкий урамĕ, 43, ЧР Культура, национальноçсен ĕçĕсен, информаци политикин тата архив ĕçĕн министерстви;
Шупашкар хули, К.Маркс урамĕ, 36, Шупашкар хулин администрацийĕ;
Шупашкар хули, И,Яковлев проспекчĕ, 13, Пичет çурчĕ, II! хут, "Хыпар" Изда-тельство çурчĕ.